Skip to main content
1526729_10203064050242534_5043997524968278887_n

அன்னை

அன்னை

பாவலர்  கருமலைத்தமிழாழன்

1526729_10203064050242534_5043997524968278887_n

அன்னைக்கு   மாற்றுண்டோ   அம்மா   என்னும்

                     அமுதச்சொல்   சுவைதனுக்கே   ஈடு   முண்டோ

தன்வயிற்றுள்   பத்துமாதம்   சுமந்து   பெற்று

தன்குருதி   பாலாக்கி   ஊட்டி   விட்டு

          பொன்னான   குழந்தைகுடல்   ஏற்கும்   வண்ணம்

                         பொழுதெல்லாம்   பத்தியத்தில்   உணவு   உண்டு

    தன்வயிறு   காய்ந்தபோதும்   பிள்ளை   கட்குத்

                    தந்துணவு   மகிழ்பவளே   அன்பு   அன்னை !

          தவழ்ந்துவரும்   குழந்தையதன்   அழகு   பார்த்து

                        தத்திதத்தி   நடைபயிலும்   எழிலைப்   பார்த்து

குவளைமலர்   கண்விரிய   முத்த   மிட்டு

                          கூடியுள்ளோர்   கண்ணேறு    கழித்துப்  போட்டு

தவறிசிறு   எறும்புகடித்   கழுத   போது

                            தன்னுடலும்   மனம்பதற   வாரி   யணைத்து

                    தவமியற்றும்   கவனமுடன்   நாளும்   வளர்த்துத்

                                     தலைநிமிர்த்தி   மகிழ்பவளே    அன்பு   அன்னை !

மருமகளின்   அணைப்பிற்குள்   மகனும்   வீழ்ந்து

          மனம்நோக   மொழிகளினை   உதிர்த்த   போதும்

    அரும்பெயரன்   பெயர்த்தியொடு    அகம்ம   கிழ்ந்தே

  அழகான   குடும்பமெனக்   கட்டிக்   காத்துப்

பெருமையினை    நிலைநிறுத்த   ஏள   னத்தை

                         பெருமூச்ச   தனில்விழுங்கி   நகைமு   கத்தில்

                                                          திருவாக   இல்லத்தின்    தீப    மாக

திகழ்ந்துவழி   காட்டுபவள்    அன்பு   அன்னை !

Leave a Reply

Your email address will not be published. Required fields are marked *

WELCOME   TO

karumalaithamizhazhan website!

If you like this site

please help and make click on any of these Buttons!